無論點平,都一定唔可以用,因為你買到的只會是:

1)比56k更慢的所謂寬頻服務,以下是我昨晚十一點所做的測試結果(下/上載):

DSLReports.com: i-cable 65k/52k IMS 1.8M/355k
CNET: i-cable 77k/34k IMS: 1.6M/320k

不要被以上數據嚇親,因實際使用時比數據更不堪,我一般用NETMEETING VOICE CHAT跟本不可能同海外網友溝通,一點窒都冇,因為直頭無聲!反而用 56k DIALUP 就好清楚,問你怕未?

2)一吐氣:永遠唔通的客戶熱線,永遠冇回覆的查詢傳真/電郵,永遠冇實際答覆或幫助的客戶服務員

3)大量陷阱:各種限制、罰款、擅自單方面更改服務合約

4)多左好多時間:因為跟本上唔到網,但又被合約搏死左,又唔甘心再俾多D錢裝第二間ISP,所以你會慢慢失去上網的興趣,多點投入現實生活

5)另一個多左好多時間的理由:由於將天線轉到有線電視,本人三個月內有三天因為有線天線的問題完全睇唔到電視,連無線亞視都睇唔到,i-cable就一句sorry都冇

本人用了i-cable已一年半,本來好地地,曾幾何時仲快過IMS好多,於是半年前續了約(貪佢唔會轉IP ADDRESS,方便在公司ACCESS家中電腦)。這裡好多網友話轉了MODEM後服務急轉直下,但我仲未換MODEM已搞成咁,仲有差不多一年要捱,慘慘慘!

其實在寫了三封投訴信同無數EMAIL後,都收過一些不知所謂的答覆,例如堅持要派人上門檢查(但由於本地連線速度正常,只是海外頻寬奇缺,所以肯定跟我這邊的設備無關),擺明當你白痴,求其敷衍下你。最終經過大半個個月幾乎每天不斷投訴之後,我終於收他們一個電話,好死狗咁話知道自己公司服務質素差過其他公司太多,已積極改善中,但可能要等一殷時間,因為「好大工程」同「需要大量資源」...言下之意,是老子有大把資源(來自你地班水魚的預繳)繼續大做宣傳收客,收左錢就關人,你地唔滿意可以投訴,不過話明你知點投訴都無用,總之水就實冇得回... 今時今日咁既服務態度,仲話大機構,吳光正認真包X閉,連董生、葉太、阿松都要跟佢學野!

類似投訴實在太多,請參考苦主專門網站www.i-cable.org

MARLUDLO