話說 1 月 16 號到而家一直投訴o左咁耐, 最近一次係上星期三 supervisor 許生話最遲今個星期三前答我有冇得 refund.
今個星期三冇覆我, 我打去問, 佢o地話許生 sick leave, 聽日先返. ok 我等多日...
冇幾耐, 有個梁生話係許生助手, 話許生有事請o左兩日假, 星期五先返. 好, 等埋你呢次...
到星期五, 我又打去, 佢話許生 3 點先返. ok, 我夜晚先打.
到o左夜晚打去, 佢話許生講緊電話, 一陣覆我. ok, 今晚內覆我囉...
又過o左幾分鐘, 頭先聽電話條友打o黎話許生講唔到o野. (當時醒唔起問佢講唔到o野頭先又會講緊電話???) 投訴結果下星期二先會有, 我梗係忍無可忍啦, 我話唔得, 你搵過第二個 supervisor 同我講, 佢又話一陣覆我. 好, 我又等你....
等呀等...冇電話, 再打去, 佢話線路繁忙叫我留電話, 我話留o左你o地唔覆, 佢話淨係負責 mark 低電話, 我叫佢即刻搵人答我, 佢唔肯仲 cut 我線!!!!!!!!!!! 我頂佢個肺, cut 我線咁串??????咁梗係即刻再打啦, 又係一樣, 我問佢"係咪你 cut 我線, 頭先係咪你o黎o架?", 佢一直唔答我, 不斷叫我留電話......
一直係咁打, 打到有 cs 聽, 佢又係話許生聲帶有問題, 我話係咪佢講唔到o野就冇人答我, 佢話搵第二個人跟我個 case, 聽朝 9:30 前覆我.......
我都唔知仲可以做o的乜, 周圍投訴晒, 都係冇用.